مسعود الزهیری

 

وهگت انا ابحر عشکگ ولفتاک

ونزف جرح لبدلالی ولفتاک

صرت کل اشعر انته ولفتاک

وبلا وصفک ولا تکمل بوذیه

(مسعود الزهیری)

محمد البهادلی

 

الخيرمن وجهك يهزبر يابطل

او خدري شيمته ابوجودك يابطل

ماگصر صبري ارد اگلك يابطل

من شفت عباس هد اعلا الفرات

(محمد البهادلي)

الشاعر المرحوم حمید الزهیری

 

ابمچان الفرح بدلال ونصار

او صارتلی لهموم اصحاب ونصار

یمهر احسین گلی احسین ونصار

عدل لو داسته اخیول ال امیه

الشمر عتنی یبو فاضل ویرنی

عگبکم والهضم والذل ویرنی

ترضه الشامت ایصدلی ویرنی

امهبطه الراس ماعندی تچیه

(المرحوم حمید الزهیری)

العلامه الشاعر الشیخ ملا ابراهیم الناصری

 

ماحسبت غم الاهل یغرب

ولا ضنیت راعی الوطن یغرب

اشعندک تصرخ اعلی الدار یغراب

اخاف اتچتلوا بلغاظریه

هلی المعروف عند الکل حزمهم

ایذل العدوا لوشدوا حزمهم

هلی بلکون ما لایت حزمهم

ابات الضیم سادات البریه

(ملا ابراهیم الناصری )

عاطفه النوری

 

تظن ینزاح هم گلبی والخلا ص

 لون شاف الوفه گوطر والاخلاص

طلع علاسی من بیتی والأخلاص

السکت والنبح چلبی اتصیر فیه

اگود ابتعب وکتی اویای ماگاد

وللیسوه لشب اعضای ماگاد

من طبعی صدیج اختار ماگاد

وناسه وما یشارچنی ابأذیه

( عاطفه النوری)