مسعود زهیری

هلي مرهم وکل ناعت نعتهم

اوعتونه الگبل چنه نعتهم

اعل نوگ العجف زينب نعتهم

مچتوفه او تون ونه شجیه

 

(مسعود الزهیری)

کریم الزهیری

کطی السجل سیفه یدری عباس

ابجسم اعداه دومه یدری عباس

لون بشام زینب یدری عباس

گلب شاماتها اعلی الغاظریه

 

علم عنده ابو فاضل بیده رایه

او رجن جیش الاعادی بیده رایه

لون بشام یمهن بیده رایه

شمس ما عذبت سکنه ورقیه

 

عهد چان ابرگبته وده لحسین

جنین وچان یعلن وده لحسین

ابیوم الطف هدیه وده لحسین

اچفوف او عین و اهو اصبح ضحیه

 

(کریم الزهیری)

حسین حمدانی

عگلی اشلون فگدک مایجنه

وانااشربت بیدک مایجنه

ابوی الیله عمه مایجنه

اریداشچیله جرح اذنی ودیه

 

(حسین حمدانی)

مساجله الشاعر مصطفی کثیر مع شیخ ملا محمد ال معلا

دنیتی بس علی اهموم یابت

وضل بلگلب سالم بعد یابت

الماتت بلخرابه اتعرف یابت

بتک یاشهم بتک رقیه

 

(مصطفی کثیر)

 

فاجابه شیخ ملا محمد آل معلا:

 

الله مشرف اعله الخلگ بتنا

انهجم وانگطع من الگلب بتنا

ابخرابه ماتت امنل هضم بتنا

ولا طارش یفزع اهل الحمیه

 

(ملا محمد ال معلا)

حبیب آل کثیر (صخراوی)

الحرایر سرت فوگ النوگ وجفت

وعمت عینی علی العباس وجفت

کفو ابام الخدر بالشمس وجفت

توفی الدین لحسین الشفیه

 

(حبیب آل کثیر (صخراوی) )

حمید الزهیری

ابحبک کل تعب یحسین ما ضاع

وغیر امحبتک بلگلب ماضاع

الک یحسین بدلال ماضاع

ویضل یزداد کل صبح ومسیه

 

انته المرتفع علراس علمای

اوعندی علم بیک او صدگ علمای

اریدنک تصول الیوم علمای

وتجیب المای لبنات الزچیه

 

فاجاب العباس (ع):

 

المحب یعرف یزینب زین وعدای

اصول و ما اهاب الموت وعدای

یزینب کون اوفی الیوم وعدای

واجیب المای لو تنگص ادیه

 

(الشاعر الراحل المرحوم حمید الزهیری)

مصطفی کثیر

رکبنا ونوگنا لشام ناحن

اچتفونا وبس حرم وایتام ناحن

خواتی التمن او ویای ناحن

لمصابی وبچن کلهن علیه

 

اعضای امن الحزن ما یوم صاحن

و دلیلی امنل الم والآه صاحن

خواتی ابیوم طگنی الشمر صاحن

یعباس احضر اختک یا شفیه

 

(مصطفی کثیر)

عماد الساعدی

اهلی اعله الترب نومه شمرهه

ودهری امصایبه ابمتنی شمرهه

امیه اکثر ال لوعنی شمرهه

وهضمنی ابیوم شفته ایطگ رقیه

 

یهل شدیت حبل الیسر بهدای

اوروحی الفرگت الخوان بهدای

بالک من تحث الزمل بهدای

یتیمه لا تگع فوگ الوطیه

 

العدا طبت وهجمت منحدانه

او ولونه ابجیش ظالم منحدانه

الشمر لشام عگبک من حدانه

بچه ابراسک ابنیتک رقیه

 

(عماد الساعدی)

ملا محسن الستاوی

 

اصیح ابصوت و اندب یهلاک

الیضدکم سیدی کون یهلاک

سل السیف و اطلب ثار یهلاک

رضیع اللی انکتل بالغاضریه

 

یبو الزهرا توسلنا و علینه

او علی کل الامم بیکم علینه

غایبکم متی یظهر علینه

او یریح اگلوبنه من کل اذیه

 

(الشاعر الراحل ملا محسن الستاوی)

 

محمد البهادلی

الدهر شد ظعن دلالي ونسبي

او عگبهكم ياشمل گلي ونسبی

عفتها ابكربلا گومي ونسبي

عگب عباس اروح او يال اميه

(محمد البهادلي)