سلیت و سلیته و سالن

اخبرک یل رحت بجفاک سلیت

اهضمتنی وماعلی ابیوم سلیت

شجاک وسیفک ویعدای سلیت

اشبدالک وانعکس رایک علیه

(مصطفی کثیر)

الدمع من دم علی افراگک سلیته

 عمیت اوعظم الی بجسمی سلیته

 طحت من سیف هجرانک سلیته

 گصه ابوسط الحشی اوشب ناربیه

(ملا محمد ال معلا)

اخبرک يلرحت بجفاک سالن

اعضاي اودم بيابي اعليک سالن

عگب شخصک اسيوف الهجرسالن

علاروحي اوخضن طعنات بيه

(محمد البهادلي)

مع الهم و شفلهن

المصايب باتن ابگلبي مع الهم

اوبگيت اشرب حزن يهلي مع الهم

صبرونصاب دلالي مع الهم

ابسهم هجرالمشووگطعوفيه

المصايب خربصن عگلي شفلهن

اوصالك بس الي باقي شفلهن

انواظرلوطفن مني شفلهن

وجودك ولخيال ايگودبيه

(محمد بهادلی)

دفتر الصداقه

شلت دفترها الصـداقه وجلبت ورگ العمر

شفت بس طعنات ربعی وما قریت الاالغدر

ابکثر ما خانتنی ربعی صبح ابگلبی فطر

ینزف بس اگلب صفحاته

(مصطفی کثیر)

مشیت ویصدق ادروب

مشیت اویصدیج ادروب البیهن معتقد موتی

وما اذکر علی علیت والعبــــاس ابد صوتی

تالی ایبرطل النجـــار شفته النجر تابوتی

بسمار ایخلی ایذینی

الشاعر حسین ابوعلوان الناصری

مشیت اویل صدیج ادروب اوگلت ابرحی اضحیله

وباری ابحمله خاف ایمیل حتی ابزودی اتچیله

بعدنی ماطحت یمه جاب اتفگه والچیله

حطاهاابصدری اوگرصاها

(حسین حمدانی)

مشیت ویصدیج ادروب وبیهن خلصت عمری

وعلی بضیـــــج مااذکر فرد مره درت ظهری

لچن صدگونی یاهناس یوم افتر علی دهری

صافح چف دهری وطگانی

(مصطفی کثیر)

یوسف

یل مامن ابحسنک بین هلناس 

الیوصفک چذب هایه بعیده

یوسف وین حسنا اوخل یجی ایشوف

صدگ بس یشوفک یگطع ایده

(حسین حمدانی)

جار الک

بس حزن و الام قلمی جار الک

و دمعی من دم یا امشیم جار الک

لون تتقبلنی اصیرن جار الک

واشد ظهری ابظهرک اعلی النایبات

(مصطفی کثیر)

بسیفل

طعنی ابرمح و ابنبله بسیفل

هجر و ازنودی انشلت بسیفل

بگیت اترجه من ولفی بسیفل

جعده ویکشف اهموم العلیه

(ملا محمد ال معلا)

العلامه الفضیل شیخ ملا ابراهیم الناصری

افز انعی گبل ملفجر ینطر

وگلبی امنلهموم ایرید ینطر

چنت ابخدر بی عباس ینطر

وهسه ابین عدوانی سبیه

 

ینجمه سعد یا کوکب من الدر

یطیر الذهب و اجناحک من الدر

هاک ارضع ثدایه امک من الدر

حلیب ودم جمع سهم المنیه

 

هلی الیوصل مضایفهم سربهم

ویوم الکون ما لایت سربهم

مدری وین حادیهم سربهم

المکه یو لراضی الغاظریه

 

خل روحی تضل دایم بلمها

ومایعبربحر همها بلمها

یتاماکم حرت یهلی بلمها

غدت طشار بارض الغاظریه

(شیخ ملا ابراهیم الناصری)

شیخ ملا محمد آل معلا

^{ابضغر هل حزن جاها ماتولها}

^{غریبه و لیش اهلها ماتولها}

^{سبع خوان زینب ماتولها}

^{عرایا و مشت مدری الیانویه}

 

^{انغصب فیکم وراحت ضیعتلکم}

^{اویدنیا اشجنیتم ضیعتلکم}

^{تره یکرام زینب ضیعتلکم}

^{ابخرابه وابغرب ماتت رقیه}

 

^{اشلون العسل یا ساده مره لکم}

^{و علی لجساد ما صارت مره لکم}

^{بنی هاشم تره ضاعت مره لکم}

^{وظعنها ابیل شال وگطع فیه}

 

^{یل اجبال واراضی مایتلکم}

^{ویخسا ادهر ابدا"مایتلکم}

^{نسیتوا احسین بطف مایتلکم}

^{او وذنکم ما تهد باول سریه}

 

^{الدهر من دون کل الناس ضعنه}

^{و عدونا ابلیل شال وگطع ضعنه}

^{عگب عیناک یا عباس ضعنه}

^{وچنت تزعل اذا مر ریح بیه}

 

^{(ملا محمد ال معلا)}