نص فلک

شعري ماوصل ابوصفه نص فلك

يلي طولك نص مصيبه نص فلك

يمته تصفه النا او يل اسمر نص فلك

 

وكت ماظل جاعده اتكف الحيات

 

(مسلم الزهيري)

نبی یوسف

نبي يوسف اله خوان عدهم عمي خوش اگلوب

وسط البير من ذبوه ابقميصه ردو اليعگوب

تعال اوشوف خواني فوگ البير ذاك انوب

عل شامت باعوها اهدومي

 

(مسلم الزهيري)

بلمای و ونزاع

انگدت بحبال دهری وعگد بلمای

افتر روی الزمان و گلب بلمای

صرت مثل العما وغرگان بلمای

اشبشب و الجرف یهدم علیه

وحگ الی ابلعته الحوت ونزاع

اذبن ثوب ذل الهضم ونزاع

چنت مهیوب بین الناس ونزاع

یزعنی الچان ماله قابلیه

(المرحوم ملا محسن الستاوی)

فرعنه و مولحنه

اصل گلبی ابهواهن فرعنه

او عگلی الچان ثابت فرعنه

اگبلن والشعرمظلم فرعنه

لیل و چل ظلام اعلی الوطیه

خفو شخصک علینه مولحنه

وطحنه ابگلب قاسی ولحنه

سواد العین حبهن مولحنه

عمیت وضل هواها ایگود بیه

(مرحوم ملا محسن الستاوی)

لمهلک و ونته بی

خلهم ایفصلون گلبی لمهلک

  ودیه اریدن لا تظننی لمهلک 

 تدری ابدلالی یسمر لمهلک

  اهلکنه اخدودک اشگد ناعمات

من یطب دلالی غیرک ونته بی

ویشد وتشهدله یدعج ونته بی

انته اخوی وانته امی ونته بی

ونته نفسی وانته اسباب الحیات

(مصطفی کثیر)